Rossiyaning AQShdagi elchixonasida xavfsizlik choralari kuchaytirildi

Rossiyaning AQShdagi elchixonasi Halabdagi vaziyatning keskinlashishi munosabati bilan ekstremistlarning norozilik namoyishi o‘tkazish tahdidi sababli xavfsizlik choralarini kuchaytirdi. 

Rossiya elchixonasining matbuot kotibi rossiyaliklarni AQShda juda e'tiborli bo‘lishga chaqirdi.

"Biz xavfsizlik choralarini kuchaytirdik. Rossiyalik fuqarolarga odamlar gavjum joylardan saqlanish, ogoh bo‘lish va Rossiya tashqi ishlar vazirligi tavsiyalariga amal qilish tavsiya qilinadi", deb aytdi matbuot kotibi.
 
Avvalroq Rossiya tashqi ishlar vazirligida bir qator, jumladan islomchi tashkilotlar Suriyaning Halabidagi yangi jangovor harakatlarga qarshi 30 sentabrda "Butunjahon nafrat va norozilik kuni"ni o‘tkazishga chaqirganlaridan ogohlantirgandi.