Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
АҚШда бир ёшли бола тўппончани ўйнаш оқибатида ҳалок бўлди
08:27 / 02.10.2016
4853

АҚШнинг Макдоно шаҳрида (Жоржия штати) бир ёшли болакай бошига ўқ узилиши оқибатида ҳалок бўлди, деб хабар бермоқда маҳаллий полицияга иқтибос келтирган ҳолда Henry Herald нашри.

Маълумотларга кўра, бола уйида 3 ёшли акаси билан бирга бўлган ва улардан бири оиланинг катта аъзоларига тегишли бўлган тўппончани қўлига олгани ва ундан ўқ узиб юборгани тахмин қилинмоқда.

"Тергов олиб борилмоқда, биз воқеа тафсилотларини ўрнатмоқдамиз", деб айтди округ полицияси вакили Майк Ирланд.

Унинг айтишича, уйда бўлган катталар нима юз берганини кўришмаган ва фақатгина ўқ овозини эшитишган. Шундан кейин улар қутқарув хизматига қўнғироқ қилишган.

 


Улашинг
Top