09:15 / 02.10.2016
4800

Xakerlar AQShning bir necha shtatida saylovchilarni qayd qilish tizimini buzib kirdilar

AQShda xakerlar pudratchilar kompyuterlaridan foydalanib, saylovchilarni qayd qilish tizimiga kira oldilar, deb xabar bermoqda ABC telekompaniyasiga iqtibos keltirgan holda RT telekanali.

Telekompaniya manbalariga ko‘ra, tizimni buzgan virus saylovchilar haqidagi ma'lumotlarni qayta ishlovchi pudratchilar pochtasiga yuborilgan. Pudratchilardan saylovchilar pochtalariga zararlangan xat kelgan.

AQShning 4 ta shtati, jumladan Illinoys, Arizona va Floridadagi saylovchilar hujumga uchragan.

Avvalroq FQB xakerlar AQSh demokratik partiyasi a'zolarining mobil telefonlarini buzib kirishga harakat qilganlarini ma'lum qilgan. Yozda Demokratik partiya milliy qo‘mitasi rahbari Debbi Vasserman-Shults Wikileaks sayti partiya devoni a'zolari yozishmalarini chop etgandan keyin iste'foga ketgandi. 

 

Top