Angliya chempionatining 7-turi doirasida «Tottenhem Hotspur» turnir jadvali peshqadami bo‘lib turgan «Manchester Siti»ni qabul qildi.
O‘yinning 9-daqiqasida Aleksandar Kolarov o‘z darvozasini ishg‘ol qilib qo‘ydi, 37-daqiqada esa Dele Alli hisobni 2:0 ko‘rinishiga keltirdi. 65-daqiqada «shporlar» futbolchisi Erik Lamela penaltini aniq amalga oshira olmadi va o‘yinda hisob o‘zgarmay qoldi.
Shu tariqa, «shaharliklar» Hosep Gvardiola boshchiligidagi rasmiy o‘yinlardagi ilk mag‘lubiyatini qabul qildi va APLning joriy mavsumida ilk marta ochko yo‘qotdi.
Turning yana bir uchrashuvida amaldagi chempionlar hisoblanmish «Lester Siti» «Sauthempton»ni qabul qildi. Uchrashuvda 0:0 hisobidagi durang qayd etildi.
Ayni vaqtda turnir jadvalida «Manchester Siti» 18 ochko bilan peshqadam, ikkinchi o‘rinda 16 ochko bilan «Liverpul», «Tottenhem» hisobidagi ochkolar soni esa 14taga yetib, jamoa uchinchi o‘ringa ko‘tarilgan. «Arsenal» bu turda «Byornli»ga qarshi safar o‘yinini o‘tkazadi va o‘rinlar yana almashishi mumkin.
Angliya - Premer-liga. 7-tur
Tottenhem Hotspur (London) – Manchester Siti (Manchester) – 2:0
Gollar: Kolarov, 9 (1:0, avtogol); Alli, 37 (2:0).
Tottenhem – Loris, Alderveyreld, Rouz, Uoker, Vertongen, Sissoko (Dayyer, 72), Vanyama, Alli (Nkudu, 86), Eriksen, Lamela, Son Xin Min (Yanssen, 90).
Manchester Siti – Bravo, Stounz, Kolarov, Sabaleta, Otamendi, Silva, Fernando (Gundo‘g‘an, 53), Navas (Ixeanacho, 65), Fernandino, Sterling (Sane, 87), Aguero.
Amalga oshirilmagan penalti: Lamela, 65 – yo‘q.
Ogohlantirishlar: Vanyama, 30; Rouz, 42 – Otamendi, 20; Sterling, 56.
Lester Siti (Lester) – Sauthempton (Sautgempton) – 0:0
Ogohlantirish: Marez, 54 – yo‘q.
