“Tolibon” radikal harakatining jangarilari 3 oktabr kuni Afg‘oniston janubidagi Hilmand provinsiyasida joylashgan Nava tumani ustidan nazorat o‘rnatishdi. Bu haqda mahalliy 1TV telekanali xabar bermoqda.
Kanalning ma'lum qilishicha, Nava tumani Hilmandning eng xavfsiz joylaridan biri hisoblangan. Ammo so‘nggi paytlarda jangarilarning harakatlari oqibatida notinchlik yuzaga kelgan edi.
Ma'lum qilinishicha, toliblarning hujumi oqibatida mahalliy politsiya boshlig‘i Ahmad Shoh vafot etgan.
