Rossiya AQShni Suriya bo‘yicha hamkorlikni davom ettirishga chaqirdi

Rasmiy Moskva Vashingtonni hissiyotlarni bir chetga qo‘yib, Suriya bo‘yicha ishlarni davom ettirishga undaydi. Rossiya TIV rahbari o‘rinbosari Sergey Ryabkov RIA Novosti agentligiga bergan intervyusida shunday bayonot bergan. 

«Biz amerikaliklarni (...) nima bo‘layotganini izohlab bera oladigan va gumanitar yuklarni yetkazish hamda siyosiy jarayonlarni boshlashga mas'ul bo‘lgan aloqalar bo‘yicha hamkorlikni davom ettirishga chaqirayapmiz. Ammo, buning aksini ko‘ryapmiz», — degan diplomat.

Uning so‘zlariga ko‘ra, AQSh Rossiyani Suriya bo‘yicha hamkorlikka barham bergani  borasida ogohlantirmagan, biroq, Vashington istalgan vaqtda shunday qilishi mumkin. 

«Ularning sovuqqonlik bilan emas, balki hissiyotlarini boshqara olmayotgani bois, har qanday qaror qabul qilishi mumkin», — deya qayd etgan Ryabkov.