Zidan "Eybar" bilan qayd etilgan durangga o‘z munosabatini bildirdi

"Real" bosh murabbiyi Zinedin Zidan Ispaniya chempionatining 7-turida "Eybar"ga qarshi o‘yindagi 1:1 hisobidagi durang borasida o‘z fikrlarini bildirdi.

"Uchrashuv boshidagi harakatlarimizdan hafsalam pir bo‘ldi. Birinchi bo‘limda jamoa o‘z o‘yinini namoyish qila olmadik va raqibga imkon berdik. Tanaffusdan keyin ancha faollashdik. O‘yin 90 daqiqa davom etadi va biz uni yomon boshlamoqdamiz.

Bu durang "Real"da inqiroz yuzaga kelganini anglatmaydi. Hozir oktabr oyi endi boshlandi va biz adashmasligimiz lozim. Shunchaki La ligadagi uchta o‘yinda durang o‘ynadik.Biz ko‘proq ishlashimiz va o‘yinlarni jiddiy o‘tkazishimiz lozim", - deydi Zidan AS nashriga bergan intervyusida.