“O‘zbekiston havo yo‘llari” MAK Parijda o‘tgan ko‘rgazmada mamlakat salohiyatini namoyish etdi

O‘zbekistonning sayyohlik salohiyati Fransiya poytaxtida o‘tgan ko‘rgazmada namoyish etildi. Ko‘rgazmaga tashrif burgan mehmonlar va qatnashchilar O‘zbekistonning sayyohlik mahsulotlari bo‘lmish mehmonxona va transport infratuzilmalari bilan yaqindan tanishishdi.

Ko‘rgazmada “O‘zbekiston havo yo‘llari” MAK ham ishtirok etdi. Bu yerga tashrif buyurganlar milliy aviakompaniyaning keng imkoniyatlari haqida tanishtirildi. Ularga yangi parvozlar, yo‘nalishlar, aviaparklar modernezatsiyasi, shuningdek, Milliy aviakompaniya o‘z yo‘lovchilariga taqdim etayotgan texnologik yangiliklar haqida so‘zlab berildi.

“O‘zbekiston havo yo‘llari” MAK uzoq yillardan beri fransiyalik sayyohlarga xizmat ko‘rsatib keladi. Toshkent-Parij-Toshkent yo‘nalishi 1998 yilda yo‘lga qo‘yilgan edi. Shuningdek, fransiyalik sayyohlar uchun Urganchga to‘g‘ridan to‘g‘ri parvoz yo‘lga qo‘yilgan.