Foto: @profinewsru
O‘zbekiston Respublikasi Tashqi ishlar vaziri Abdulaziz Komilov boshchiligidagi delegatsiya Bryussel shahrida Vengriya Tashqi ishlar va savdo vaziri Peter Siyyarto hamda Fransiya Respublikasi TIV davlat kotibi Andre Vallini bilan ikki tomonlama uchrashuvlar o‘tkazdi. Bu haqda O‘zbekiston Respublikasi Tashqi ishlar vazirligi matbuot xizmati xabar berdi.
Muzokaralar chog‘ida turli sohalardagi ikki tomonlama munosabatlarni rivojlantirishning amaliy masalalari, jumladan bo‘lajak turli darajalardagi uchrashuvlarning jadvali muhokama qilindi.
Eslatib o‘tamiz, 2016 yilning 5 oktabr kuni O‘zbekiston delegatsiyasi Afg‘oniston bo‘yicha xalqaro konferensiyada ishtirok etdi.
