KXDR birinchi bo‘lib yadro qurolini ishlatmaydi

Pxenyan hech qachon birinchi bo‘lib yadro qurolini qo‘llamaydi. Bu haqda KXDR vakili BMT Bosh Assambleyasi birinchi qo‘mitasi sessiyasida bayonot berdi, deb xabar qilmoqda Shimoliy Koreya markaziy telegraf agentligi. 

«Bizning mamlakatimiz yadro qurollariga Qo‘shma Shtatlar tahdididan himoyalanish maqsadida ega bo‘lgan va hech qachon, KXDR suvereniteti buzilmasa, birinchi bo‘lib uni qo‘llamaydi», — degan Shimoliy Koreya vakili. 

Bundan tashqari, u BMT XKni «Pxenyanning yadro sinovlari va raketa parvozlari tufayli asossiz ayblashi uchun» tanqid qilgan. Uning so‘zlariga ko‘ra, bu «BMT Nizomiga ziddir».