Turkiyada samolyotdan qolib ketgan yo‘lovchi unga chiqish ilinjida nomardlarcha ish tutdi

"Turk havo yo‘llari"ning Istanbulga uchadigan samolyotiga kech qolgan yo‘lovchi unga chiqish ilinjida nomardlarcha ish tutdi.   

Hurriyet Daily News nashri xabar berishicha, 8 oktabrda Igdar viloyatida Tamer B. ismli yo‘lovchi reysiga kech qolgach, uni qaytarish uchun samolyotda bomba borligini aytishga qaror qilgan.

U politsiya yoniga kelib samolyotda bomba borligini aytgan. Samolyot haqiqatan ham ortga qaytarilgan. Samolyot uning bortida bomba aniqlanmagach, 3 soatdan keyingina Istanbulga ucha olgan. Yo‘lovchi esa yolg‘on xabar uchun hibsga olingan.