Dunyo aeroportlarining Wi-Fi parollari kiritilgan yagona xarita yaratildi

Sayohat payti aeroportlarda o‘z vaqtingizni internetsiz o‘tkazish eng zerikarli ishlardan biri bo‘lsa kerak. Ammo, bir uddaburon yigit bu muammoning yechimini topdi. Kompyuter xavfsizligi bo‘yicha muhandis va sayohatchi bloger Anil Po‘lat butun dunyo aeroportlari Wi-Fi tarmoqlarining parollarini o‘z foydalanuvchilariga taqdim etuvchi interaktiv xaritani yaratdi. Shuningdek, undan foydalanish juda ham oson. Foydalanuvchi faqatgina xaritadagi biron bir aeroport ustiga bosadi va mavjud aloqalar ro‘yxati alohida oynada paydo bo‘ladi. 

Po‘lat xaritani muntazam ravishda yangilab turadi va shu kungacha dunyo bo‘ylab 130 aeroportni dasturga kiritdi. Ko‘pchilik dastavval buni foydasiz xarita deb o‘ylashi mumkin, chunki Wi-Fi parollarini olish uchun internet kerak. Ammo xarita ixtirochisi dasturni yuklab olish mumkin bo‘lgan offlayn talqinni ham yaratdi.