Xitoyda dunyodagi eng uzun eskalator ishga tushirildi

Xitoyning markaziy qismidagi Xubey provinsiyasida dunyodagi eng katta eskalator ishga tushdi. Inshoot uzunligi 688 metrni tashkil qiladi, sayohat 18 daqiqa davom etadi. Daily Mail nashri shu haqda ma'lumot berdi.

Eskalator Enshi shahri yaqinidagi dara yonbag‘rida joylashgan. U soatiga 7,3 ming nafar kishiga xizmat ko‘rsata oladi. Sayohat uchun 20 yuan (taxminan 3 dollar) to‘lash kerak bo‘ladi.

Ushbu eskalator 1 oktabr - XXR tashkil topgan kunda ochilgan. Attraktsion sayyohlar orasida juda mashhur. Eskalator ishga tushganidan so‘ng ilk 7 kun ichida 70 ming kishiga xizmat ko‘rsatgan.