Urganchda mintaqaviy diagnostika laboratoriyasi ochildi
Xorazmning Urganch shahrida mintaqaviy diagnostika laboratoriyasi ochildi, deb xabar qilmoqda AQShning O‘zbekistondagi elchixonasi. Laboratoriya AQSh mudofaa vazirligining Bioterrorizm tahdidlarini kamaytirish agentligi ko‘magida barpo etilgan.
AQShning O‘zbekistondagi elchisi Pamela Spratlen xonim laboratoriyaning ochilish marosimida ishtirok etgan.
«O‘tgan yili tamal toshi qo‘yilgan loyiha mamlakatlarimiz o‘zaro hamkorlik qilishi natijasida nimalarga qodir bo‘lishini ko‘rsatadi», - degan Spratlen.
«Shu kabi mintaqaviy diagnostika laboratoriyalari kasalliklarni nazorat qilishni mustahkamlashda muhim o‘rin tutadi», - deya qo‘shimcha qilgan Amerika elchisi.
Eslatib o‘tamiz, 2011 yilda xuddi shunday ikkita laboratoriya Andijon va Farg‘ona viloyatlarida ham foydalanishga topshirilgan edi. Ularga o‘rnatilgan zamonaviy tibbiyot uskunalari xavfli patogen mikroorganizmlarni erta aniqlash va epidemiyalarning oldini olishga imkon beradi.
Mavzuga oid
18:40 / 18.09.2024
Urganch davlat universiteti tomonidan o‘tkazilgan tenderda qonunbuzilishi aniqlandi
13:30 / 17.09.2024
Urganchda 2,9 mlrd so‘mlik noqonuniy dori vositalari aniqlandi
11:40 / 10.09.2024
Xorazmda 4 tup daraxt kesgan shaxs jarima va zarar uchun 27,8 mln so‘m to‘laydi
10:43 / 05.09.2024