IShID snayperi Iroqda jurnalistni o‘ldirdi

Iroq shimolidagi Kirkuk shahrida IShID snayperi jurnalistni o‘ldirdi. Bu haqda politsiyaga iqtibos keltirgan holda Frans Press axborot agentligi xabar bermoqda.   

30 yoshli jurnalist Axmad Xajr O‘glu ko‘kragidan olingan jarohat oqibatida halok bo‘ldi. O‘q jurnalistga xavfsizlik kuchlari va jangarilar o‘rtasidagi otishma vaqtida tekkan.

Kirkuk 21 oktabrda IShID jangarilari tomonidan bexosdan hujumga uchradi. Jangarilar ertalab shahardagi ma'muriy binolarga, Dibis shahri yaqinidagi elektr stansiyaga hujum qilgan. Iroq xavfsizlik kuchlari hujumni qaytargan.