Yaponiyada Everestni zabt etgan birinchi ayol vafot etdi

Dunyodagi eng baland cho‘qqi – Everestni zabt etgan birinchi ayol bo‘lgani bilan tanilgan yaponiyalik Dzyunko Tabei 78 yoshida vatanida vafot etdi. Bu haqda alpinist ayolning yaqinlari ma'lum qilishdi. 

Tabei saraton bilan uzoq kurashdan keyin vafot etdi. Ayol 20 oktabrda ertalab olamdan ko‘z yumdi, deb xabar bermoqda Kiodo axborot agentligi.  

Yaponiyaning Fukusima prefekturasida yashagan ayol 1975 yilda 35 yoshida Everestni zabt etgan birinchi ayol bo‘lgan. 17 yildan keyin Tabei yana birinchi bo‘lishga muvaffaq bo‘lgan: u 1992 yilda "Yetti cho‘qqi" – har bir qit'adagi eng baland cho‘qqilarni (Osiyo –Jomolungma yoki Everest, 8848 m; Janubiy Amerika – Akonkagua, 6962 m; Shimoliy Amerika – Denali, 6190 m; Afrika – Kilimanjaro, 5895 m; Yevropa – Elbrus, 5642 m; Monblan, 4810 m; Antarktida – Vinson massivi, 4892 m; Avstraliya va Okeaniya – Jaya, 4884 m; Avstraliya –Kostsyushko tog‘i, 2228 m) zabt etish dasturini yakunlashga muvaffaq bo‘lgan birinchi ayol bo‘lgan.