Foto: GETTY IMAGES
Facebook ijtimoiy tarmog‘i asoschisi Mark Tsukerberg AQSh prezidentligi uchun respublikachilar partiyasi nomzodi Donald Trampning bayonotlarini senzura qilmaslik xususida ko‘rsatma berdi. Bu haqda The Wall Street Journal nashri xabar qilmoqda.
Nashrning yozishicha, Tsukerberg Respublikachilar partiyasi nomzodining bayonotlarini tahrir qilish, garchi ular birmuncha keskin ruhda bo‘lsa-da, nojoiz ekani haqida bayonot bergan.
Ayni chog‘da, nashrga ko‘ra, bu qaror Facebook xodimlarining noroziligiga sabab bo‘lgan. Ularning aksariyati, ijtimoiy tarmoq me'yorlari buzilayotganini aytishgan.
O‘z navbatida kompaniya matbuot xizmati, Tramp bayonotlarining keskinligiga emas, uning mohiyatiga e'tibor qaratilishini bildirgan.
