AQSh Afg‘onistonda "Al-Qoida" bo‘limi yetakchilariga zarba berdi

Foto: © AFP

Pentagon uchuvchisiz parvoz qurilmalari yordamida Afg‘oniston shimolida "Al-Qoida" bo‘limi yetakchisi Faruk al-Qataniyga zarba berilganini ma'lum qildi. Bu haqda xorijiy OAV xabar bermoqda.

Ta'kidlanishicha, zarbaga al-Qataniyning o‘rinbosari ham uchragan. Biroq amerikalik harbiylar terrorchilar o‘lganini tasdiqlay olmasliklarini aytganlar. Ayni vaqtda Pentagon zarbalar natijalarini baholamoqda.

Al-Qataniy Qatar fuqarosi hisoblanadi. Shu yilning fevralida AQSh uni Yevropa va AQShga fitna uyushtirishda ishtirok etishda ayblab, eng ko‘p qidiriluvchi terrorchilar ro‘yxatiga kiritgandi.