«PSJ» Neymarni sotib olish g‘oyasi amalga oshmagach, boshqa futbolchini nishonga oldi

Parijning «PSJ» jamoasi Zlatan Ibrahimovich o‘rnini to‘ldirish variantlarini qidirishda davom etmoqda.

Sport.es nashri xabar berishicha, «Barselona» hujumchisi Neymarni transfer qilish bo‘yicha reja muvaffaqiyatsizlikka uchragach, parijliklar «Atletiko»ning fransiyalik hujumchisi Antuan Grizmannga bor e'tiborlarini qaratishgan.

Ushbu 25 yoshli futbolchini tarkibga qo‘shib olish g‘oyasi jamoaning sport ishlari direktori sifatida faoliyat yuritayotgan Patrik Klyuyvert tomonidan bildirilgan.

Bundan oldinroq, badal puli 100 million yevroni tashkil qiladigan Grizmannt qo‘lga kiritish «Chelsi»ning rejasida ham borligi haqida ma'lum bo‘lgandi.

Ispaniya chempionatining joriy mavsumida ushbu futbolchi 8ta uchrashuv o‘tkazdi va 6 gol urib, 2ta golga uzatma berdi.