AQSh davlat departamenti Istanbuldagi xodimlari oilalariga AQShga qaytishni buyurdi

Foto: © AP

AQSh davlat departamenti AQShning Istanbuldagi bosh konsulligi xodimlari qarindoshlariga terrorchilik guruhlari jangarilari tomonidan hujum qilinishi mumkinligi sababli AQShga qaytishni buyurdi. Bu haqda gazeta.ru xabar bermoqda.

"Davlat departamenti ekstremistik guruhlar Istanbulning AQSh fuqarolari yashaydigan joylarida ularga hujum qilish bo‘yicha o‘zining tajovuzkor urinishlarini davom ettirayotgani haqidagi ma'lumot asosida shunday qaror qabul qildi", deb aytildi ogohlantirish matnida.

Davlat departamentida bu buyruq AQShning Turkiyaning boshqa shaharlaridagi vakolatxonalari xodimlari oilalariga taalluqli emasligi ta'kidlab o‘tildi.