Slovakiyalik tennischi Dominika Tsibulkova ayni vaqtda ayollar o‘rtasidagi birinchi raqamli tennischi, germaniyalik Angelika Kerberni Ayollar tennis uyushmasining (WTA) yakuniy musobaqasi finalida mag‘lub etdi.
WTA reytingida 8-o‘rinni egallayotgan Tsibulkova hal qiluvchi o‘yinda Kerberni 6:3, 6:4 hisobida yutdi. Uchrashuv 1 soat 16 daqiqa davom etdi.
27 yoshli Tsibulkova uchun bu WTA’ning birinchi yakuniy musobaqasi bo‘ldi.
Singapurda o‘tgan musobaqaning mukofot jamg‘armasi 7 mln dollarni tashkil qildi.