20:30 / 02.11.2016
4918

BMT: 10 yil ichida 800 dan ko‘proq jurnalist o‘ldirilgan

Foto: Getty Images

Oxirgi 10 yil ichida dunyoda o‘z kasbiy faoliyati uchun 800 dan ko‘proq jurnalist o‘ldirilgan va ularning qotillaridan bor-yo‘g‘i 10 foizigina jazo olgan, deb xabar berilmoqda BMT saytida.

"Bu jinoyatlardan 10 tasidan 9 tasida bu jinoyatni sodir etganlar jazodan qutulib qoladilar. Jazolanmaslik jurnalistlarga nisbatan zo‘ravonliklarning davom etishiga omil bo‘lmoqda va tegishli choralarni qabul qilishni talab qiladi", deb aytildi BMT bayonotida.

Ta'kidlanishicha, 2013 yilda BMT Bosh assambleyasining 68-sessiyasida 68/163-sonli rezolyutsiya qabul qilingan, unga ko‘ra 2 noyabr Jurnalistlarga qarshi jinoyatlar uchun jazolanmaslikni to‘xtatish xalqaro kuni deb e'lon qilingan. Rezolyutsiya BMTga a'zo davlatlarni jazolanmaslikka qarshi aniq choralar qabul qilishga qat'iy chaqiradi. Ta'kidlanishicha, ushbu sana 2013 yil 2 noyabrda Malida o‘ldirilgan 2 nafar fransuz jurnalisti xotirasiga o‘rnatilgan.

Bu rezolyutsiya shuningdek BMTga a'zo davlatlarni jurnalistlar va OAV xodimlariga nisbatan zo‘ravonlikning oldini olish uchun ularga bog‘liq barcha ishni amalga oshirishni, jurnalistlarga qarshi jinoyatlar sodir etganlarni javobgarlikka tortishni ta'minlash va ularni sudga topshirish, jabrlanganlarga huquqiy himoyaning tegishli vositalarini ta'minlashga chaqiradi. 

 

Top