“Real Madrid” prezidenti Florentino Peres Krishtianu Ronalduning jamoa uchun juda kerakli o‘yinchi ekanini ta'kidladi.
“Klubimizning butun dunyo yaxshi biladigan odati 114 yildan buyon davom etib kelmoqda. U Di Stefano va Xento kabi futbolchilar bilan bog‘langan. Ronaldu – ularning davomchisi. Krishtianu, sen Chempionlar kubogining 11 marotaba qo‘lga kiritgan, futbol tarixidagi eng yaxshi klubning ajoyib ramzisan.
Madridda sen hamma narsaga erishding. Sen afsonasan, “Real” tarixidagi eng yaxshi futbolchisan. Ronaldu-o‘yinchini unutib bo‘lmaydi. O‘ylashimcha, shuncha yutuqlardan keyin tez orada o‘zingning to‘rtinchi “Oltin to‘p”ingni qo‘lga kiritishing to‘g‘ri bo‘ladi.
Tarix Ronaldugacha va undan keyinga bo‘linadi. Biroq biz doimo birgamiz”, – dedi Peres.
