Amsterdam aeroportida nazoratni tezlashtiruvchi yangi yuk skanerlari sinovdan o‘tkazilmoqda

Amsterdamning eng yirik aeroportida yangi yuk skanerlarini sinovdan o‘tkazish ishlari boshlandi. Bu haqida The Next Web'da xabar berildi. 

ClearScan nomli qurilma yuk tarkibini avvalgi avlod skanerlari kabi faqat ikki rakursdan emas, hamma tomonlardan ko‘rib chiqish imkonini beradi. Shuning uchun chegara nazorati xodimlari noutbuk singari murakkab obektlarni ochmasdan to‘liq o‘rganib chiqishlari mumkin bo‘ladi. 

Suyuqliklarni avvalgidek alohida plastik paketga joylash zarur, lekin endi ularni sumkadan chiqarishga hojat qolmaydi. 

Manbada ta'kidlanishicha, ba'zi aeroportlar xodimlari har doim ham noutbuk yoki planshetlarni olib ko‘rsatishni talab qilishmaydi, biroq bu jarayondan hozircha hech kim sug‘urtalanmagan. Endilikda yuklarni nazoratdan o‘tkazish jarayoni sezilarli darajada tezroq kechishi kerak.