Ilon samolyot yo‘lovchilarini qo‘rqitib yubordi

Meksikada samolyot yo‘lovchilarini noma'lum sabablarga ko‘ra samolyot bortida erkin yurgan ilon qo‘rqitib yubordi. Bu haqda Associated Press axborot agentligi xabar bermoqda. 

Voqea 6 noyabrda Aeromexico aviakompaniyasining Torreondan Mexikoga uchib ketayotgan samolyotida yuz bergan. Internetda joylashtirilgan lavhalarda yashil rangdagi ilon yuqoridagi yuk bo‘limlaridan o‘rmalab chiqib, so‘ngra pastga osilib olganini ko‘rish mumkin.  

Samolyot Mexikoda qo‘ngandan keyin unga mutaxassislar kirib, ilonni ushlab olishgan. Aviakompaniya ilon qanday qilib samolyot salonida paydo bo‘lganini aniqlash bo‘yicha tergov boshlab yuborgan.