Janubiy Koreya tashqi ishlar vaziri Yun Ben Se AQShda bo‘lib o‘tgan saylovlardan so‘ng, yangi prezident ma'muriyati Shimoliy Koreyaga siyosiy bosim o‘tkazishda davom etishidan umid qilishini ma'lum qildi. Bu haqda “Renxap” agentligi ma'lum qildi.
"O‘ylaymizki, AQShning yangi ma'muriyati Shimoliy Koreyaga nisbatan siyosatini davom ettiradi, asosan, Pxenyanga bosim o‘tkazaveradi", — dedi vazir.
O‘tgan haftada AQSh Shimoliy Koreyaga nisbatan iqtisodiy sanksiyalarni yanada qattiqlashtirgan edi. AQSh banklarida KXDRda hisob-raqam ochish taqiqlangandi.