Janubiy osiyolik yigit kobra bilan nikoh qurishga qaror qildi. Biroq sho‘rlik yigit aslida ilonga muhabbat qo‘ymagan: yigitning sevgan yori halok bo‘lgandan keyin, u sevgilisi ruhi ilonga o‘rnashib olgan deb o‘ylamoqda.
Yigitning aytishicha, ilon halok bo‘lgan qizga juda o‘xshash va endi ular butun vaqtlarini birga o‘tkazmoqdalar. Yigit va kobra birga televizor tomosha qilishadi, turli o‘yinlar o‘ynashadi va hattoki sportzalga ham birga borishadi.
Yigitning do‘stlari va tanishlari uni zaharli jonzot bilan xavfli bo‘lishi mumkinligidan ogohlantirishmoqda. Biroq yigit bu so‘zlarga hattoki quloq solishni ham istamayapti va "sevgilisi" unga ziyon yetkazmasligiga ishonadi.
Yigitning qallig‘i 5 yil avval halok bo‘lgan va yigit shu paytgacha uni sevishda davom etib kelgan. Shuning uchun u topib olgan kobrasini "yuqoridan ishora"dek qabul qilmoqda, deb yozmoqda "Vesti.ru".
