09:10 / 11.11.2016
4960

Germaniya tashqi ishlar vazirligi: Germaniyaning Afg‘onistondagi konsulligiga hujum qaytarildi

Foto: © AFP

Afg‘onistonning Mozori-Sharif shahridagi Germaniyaning konsulligiga "Tolibon" harakati jangarilarining hujumi qaytarildi. Bu haqda Germaniya tashqi ishlar vazirligi ma'lum qildi.  

"Mozori-Sharifdagi Germaniya konsulligiga hujum qaytarildi. Biz Afg‘oniston va "Qat'iy ko‘mak" operatsiyasi jasur kuchlariga ularning vaziyatga aralashuvi uchun minnatdormiz", deb aytildi Germaniya tashqi ishlar vazirligining tvitterdagi xabarida.

Biroq vazirlik nemis dimlomatlari orasida halok bo‘lganlar yoki jarohatlanganlar bo‘lgani haqida hech narsa ma'lum qilmagan. 

Avvalroq Germaniya konsulligi yonida janglar borayotgani ma'lum qilingandi. Shuningdek, tinch aholi orasida halok bo‘lganlar va jabrlanganlar borligi ma'lum qilingan. 

 

Top