Germaniyaning Kyoln shahrida 12 noyabrda 20 mingga yaqin kishi Turkiya prezidenti Rajab Toyib Erdo‘g‘anning hukumatiga qarshi norozilik aksiyasini o‘tkazdilar, deb xabar bermoqda Associated Press axborot agentligi.
Ma'lum qilinishicha, kurdlar va alavitlar tarafdorlari Reyn daryosi bo‘ylab namoyish o‘tkazganlar. Ko‘pchiligi niqoblarda va Turkiyada man qilingan Kurdiston ishchi partiyasi ramzi bilan bo‘lgan 300 ga yaqin yoshlar namoyishchilarning asosiy guruhidan ortda qolib, politsiyaga shisha idishlar va toshlar uloqtira boshlagan. Buning oqibatida bir politsiyachi jarohat oldi.
Mahalliy hukumat bir necha nafar namoyishchilar hibsga olinganini ma'lum qildi.
Avvalroq Erdo‘g‘an Yevropani Kurdiston ishchi partiyasini qo‘llab-quvvatlashi tufayli terrorchilikka sheriklikda ayblagandi.
