Buyuk Britaniya Trampni Suriya masalasida Rossiya bilan hamkorlik qilish niyatidan qaytarmoqchi

Buyuk Britaniya Rossiya bilan do‘st bo‘lishni va'da qilgan Donald Tramp AQSh prezidentiga aylanganidan keyin bu mamlakat bilan diplomatik munosabatlarda boshi berk ko‘chaga kirib qolish arafasida turibdi. Tramp saylovoldi kampaniyasi davrida Rossiya prezidenti Vladimir Putin bilan Suriya masalasida ittifoqchi bo‘lishi haqida aytgandi. 

The Telegraph nashrining qayd etishicha, yaqin vaqt ichida rasmiy London qarshisida Donald Tramp bilan uning rasmiy Moskvaga nisbatan tutgan pozitsiyasi tufayli «juda qiyin» muloqot o‘tkazish vazifasi turibdi.

Buyuk Britaniya TIVdagi manba ma'lumotiga ko‘ra, britan amaldorlari Tramp jamoasini Bashar Asadni hukumat tepasidan ketkazish g‘oyasiga ko‘ndirishga harakat qiladi. 

Bundan oldin Donald Tramp Suriyadagi asosiy maqsadi IShIDga qarshi kurash olib borish bo‘lishi haqida aytgandi.