20-21 dekabrda Toshkent temir yo‘l transportida resurs tejovchi texnologiyalar konferensiyasi bo‘lib o‘tadi

2016 yilning 20-21 dekabr kunlari Toshkent temir yo‘l transporti muhandislari institutida dunyo hamjamiyati olimlari ishtirokida Respublika Ilmiy-Texnik Konferentsiyasi bo‘lib o‘tadi. Tadbir mavzusi: "Temir yo‘l transportida resurs tejovchi texnologiyalar". 

Konferentsiyaning maqsadlari:

⦁  tashish jarayonida resurs sig‘imini kamaytirishga doir yangi yo‘nalishlar va usullarning iqtisodiy samaradorligi tahlili;
⦁  transportda resurs tejash dasturiga takliflar kiritish va ularni muhokama qilish.

Konferentsiya quyidagi seksiyalardan iborat bo‘ladi:

⦁  tashish jarayonlarini tashkillashtirish va nazorat qilishda resurs tejovchi texnologiyalar;
⦁  temir yo‘l qatnovchi tarkibi ekspluatatsiyasi va ta'mirlash ishlarida resurs tejovchi texnologiyalar;
⦁  yo‘l xo‘jaligi va qurilishida resurs tejovchi texnologiyalar;
⦁  temir yo‘l transporti avtomatlashtiruvi, elektr aloqa va energiya ta'minotida resurs tejovchi texnologiyalar;
⦁  temir yo‘l transportining moliyaviy-iqtisodiy sohasida resurs tejovchi texnologiyalar.

Konferentsiyada "O‘zbekiston temir yo‘llari" aksionerlik jamiyati vakillari, O‘zbekiston, MDH, uzoq xorij  mamlakatlari transport oliy o‘quv muassasalarining olimlari va muallimlari, loyiha va ilmiy-tadqiqot tashkilotlari texnologiyalarining ishlab chiqaruvchilari ishtirok etishadi. 

Yalpi va seksiyalar majlisida "O‘zbekiston temir yo‘llari" AJ, loyiha, ilmiy-tadqiqot va ishlab chiqarish tashkilotlari, O‘zbekiston va boshqa mamlakatlar transport oliy o‘quv muassasalarining vakillari so‘zga chiqishi kutilmoqda. 

Konferentsiyada qatnashish uchun tashkiliy qo‘mitaga murojaat qilish lozim. 

Maqolalar matnlarini quyidagi manzil bo‘yicha yo‘llash mumkin: 100167, Toshkent shahri, Odilxo‘jayev ko‘chasi, 1-uy, ToshATI, 333-auditoriya, konferensiya tashkiliy qo‘mitasi.