90 yashar pensioner Ukrainada rekord o‘rnatdi

90 yashar pensioner 10 kilometr masofani 80 daqiqa ichida yugurib o‘tib, Ukrainada rekord o‘rnatdi.

Mamlakatda uning yoshida mazkur ishni qilish hali hech kimga nasib etmagan edi.

Ayolning so‘zlariga ko‘ra, u juda ko‘p kasal bo‘lib qolavergan. Shu sabab 58 yoshidan boshlab sport bilan shug‘ullana boshlagan. U o‘shanda bunday natijaga erishman deb sira o‘ylamagan.

Ayol Ukrainada o‘zining dastlabki rekordini 72 yoshida, 100 metr masofaga yugirish orqali qo‘ygan. So‘ngra rekordlar ketma-ket bo‘laverdi, ayni damda ular soni 60 tani tashkil etadi! Ular orasida hatto 800 metr va 10 km masofaga yugurish bo‘yicha jahon rekordi ham bor.