Yaponiya bosh vaziri Tramp bilan uchrashadigan ilk davlat rahbari bo‘ladi

Yaponiya bosh vaziri Sindzo Abe AQShdagi prezident saylovida g‘alaba qozongan Donald Tramp bilan uchrashuv o‘tkazuvchi ilk xorijlik davlat rahbari bo‘lish "katta sharaf" ekanini qayd etdi. U yangi prezident bilan o‘zaro ishonch asosidagi munosabatlar qurilishiga umid bildirib o‘tgan.

"Menimcha, dunyo rahbarlari orasida birinchi bo‘lib AQShning yangi prezidenti bilan uchrashish va muzokaralar o‘tkazish – katta sharafdir. Men u bilan bizning kelajakdagi rejalarimiz xususida gaplashmoqchiman", — deya Nyu-Yorkka uchayotgan yaponiyalik siyosatchining so‘zlarini keltirgan Kiodo agentligi.

"Men janob Tramp bilan o‘zaro ishonch asosidagi munosabatlarni qurmoqchiman", — deya qo‘shimcha qilgan Sindzo Abeyu U AQSh bilan ittifoq "Yaponcha diplomatiya va xavfsizlik"ni aks ettirishini ta'kidlagan.

Yaponiya bosh vaziri 17 noyabrdan 7 dekabrgacha AQSh, Peru va Argentina davlatlari bo‘ylab safar qiladi. Abe va Trampning uchrashuvi 17 noyabr kuniga belgilangan. Shundan so‘ng Abe Peruga Osiyo-Tinch okeani iqtisodiy hamkorlik sammitida ishtirok etish uchun yo‘l oladi.