Tramp e’lon qilgan ilk linkor $22 mlrd turishi mumkin

AQShda yangi jangovar kema - linkor qurish rejasi katta shov-shuvga sabab bo‘ldi. Dastlabki hisob-kitoblarga ko‘ra, bitta shunday kema 15 milliard dollardan 22 milliard dollargacha tushishi mumkin. Bu uni tarixdagi eng qimmat harbiy kemalardan biriga aylantiradi.

Foto: linkor

Narx nega bunchalik baland? Chunki hali ko‘p narsa aniq emas. Kema qanchalik katta bo‘ladi, nechta dengizchi xizmat qiladi, qanday qurollar o‘rnatiladi — bularning barchasi yakuniy summaga kuchli ta’sir qiladi. Qanchalik yirik va qurollangan bo‘lsa, shunchalik qimmatlashadi.

Taqqoslash uchun, hozir AQSh flotidagi eng qimmat kema — Gerald R. Ford aviatashuvchisi bo‘lib, u qariyb 13 milliard dollarga tushgan. Yangi linkor esa bundan ham ancha qimmat bo‘lishi mumkin.

Shunga qaramay, Donald Tramp 2025 yil oxirida yangi kemalar qurilishini e’lon qilib, ularni “eng katta, eng tez va hozirgacha qurilgan har qanday linkordan yuz barobar kuchli” deb ta’riflagan. Rejaga ko‘ra, dastlabki kemalar 2–3 yil ichida flotga qo‘shilishi mumkin.

Texnologiyalar tez o‘zgarayotgan bugungi kunda eng so‘nggi yangiliklardan xabardor bo‘lish muhim. Raqamli dunyoda adashib qolmaslik va shunday yangiliklarni birinchilardan bilish uchun KUN.UZ Texnologiya Telegram sahifasini kuzatib boring.

Tayyorlagan: Аббос Юсуфжонов

#Tramp #jangovar kema