London hokimi Tramp g‘alabasidan xafa amerikaliklarni Londonga taklif qildi

London shahri hokimi Sodiq Xon AQSh prezidentlik saylovida Donald Tramp g‘alabasidan xafa bo‘lgan barcha amerikaliklarni Buyuk Britaniya poytaxtiga ko‘chib kelishni tavsiya qildi, deb yozmoqda Evening Standard.

Xabarlarga ko‘ra, Tramp g‘alabasidan so‘ngra ko‘p sonli amerikaliklar Kanadaga ko‘chib ketishni xohlayotgani to‘g‘risidagi xabarlar Xonning taklifiga sabab bo‘lgan. 

«Millionlab odamlar, eshitishimcha, seshanba kungi saylovlardan keyin Google qidiruvidan foydalanishgan. Bizning bilishimizcha, kuniga bu xizmatdan millionlab odamlar foydalanmoqda. «Qanday ko‘chish mumkin» degan ibora eng ko‘p qidirilganidan xabarim bor. Agar AQShda istiqomat qilayotgan iqtidorli kishilar Londonga kelishni xohlashsa, mening ularga aytadigan gapim bitta— London ochiq»,— degan Sodiq Xon.