Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
63 ёшли бельгиялик тинчлик йўлида 3 900 километр йўлни босиб ўтди
22:34 / 18.11.2016
4284
Фото: AA Photo

Леонардус Верканутерен охирги олти ой ичида бутун дунёдаги урушларга эътибор қаратиш учун Европа бўйлаб сайр қилди. У ўз саёҳатини 23 май куни Бельгиянинг Ньивпорт шаҳридан бошлаб, Галлиполи ярим оролигача (Туркия) 3900 километр йўл босиб ўтди. Бу ҳақида Daily Sabah нашри хабар берди

Ҳамма жойда уни нуфузли амалдорлар кутиб олишди. Веркаунтерен ўз саёҳати давомида кўп совғалар йиғди. 

У турк халқининг меҳмондорчилигини алоҳида таъкидлаб ўтди ва саёҳати сабабини изоҳлади. 

"Мен ЮНИСЕФнинг аскар-болалар, қашшоқликда кун кечираётган болалар, беморлар, масалалари бўйича кампаниясини қўллаб-қувватлаш мақсадида Биринчи жаҳон урушининг фронт линиялари бўйлаб ҳаракатландим", - дейди у. 

Леонардус Франция, Италия, Словения, Хорватия, Албания, Македония ва Грецияда бўлди. 

"Мен кўплаб ҳарбий мемориаллар ва қабристонларни кўрдим. Бу лойиҳа давомида шунча одам билан учрашганимдан хурсандман. Айниқса, Туркия, Австралия ва Янги Зеландия менда ўзгача таассурот қолдирди. Ҳозир бизга уруш эмас, тинчлик керак", - дейди у. 

 


Улашинг
Top