Turkiya prezidenti Rajab Toyib Erdo‘g‘an O‘zbekistonga tashrifi davomida Samarqand shahrining diqqatga sazovor joylarini ziyorat qildi.
Turkiya prezidenti Imom al-Buxoriy va Imom Moturidiy majmualarida bo‘lgan.
U shuningdek, shahardagi Registon maydoniga borib, Ulug‘bek, Sherdor va Tilla-qori madrasalarini tomosha qilgan.
Shundan so‘ng, Rajab Toyib Erdo‘g‘an Go‘ri-Amir maqbarasini ziyorat qilgan.
Shu tariqa, Turkiya rahbarining O‘zbekistondagi tashrifi nihoyasiga yetgan.