Halabdagi maktabga raketa kelib tushishi oqibatida 5 bola halok bo‘ldi

Suriyaning Halab shahrida o‘quv binosiga berilgan raketa zarbasi oqibatida kamida 5 bola halok bo‘lgan. Bu hodisa Ash-Shuxaba mavzesiga amalga oshirilgan hujum oqibatida ro‘y bergan. Bu haqda SANA agentligi xabar tarqatgan.

Agentlik manbasi ma'lumotiga ko‘ra, raketa zarbasi Ar-Furkan tumanidagi maktabga zarba berish bilan boshlangan. Bu hujum oqibatida yana 10 bola jabrlangan.

Jangarilar Ash-Shuhaba mavzesidagi shifoxona hamda shahardagi universitetning yuridik fakulteti binosiga hujum qilgan. Bu hujumlar oqibatida bir ayol halok bo‘lib, yana 10 kishi jarohatlangan.