Domodedovoda Dubayga uchuvchi samolyotda bomba borligi haqida xabar qilgan shaxs qo‘lga olindi

20 noyabrga o‘tar kechasi Moskvaning Domodedovo aeroportida Moskva–Dubay reysining ushlanib qolishiga sabab bo‘lgan shaxs qo‘lga olindi. U mast holatda bo‘lgan.

«Moskva» sayti xabarida aytilishicha, tunda Dubayga yo‘l olayotgan samolyot bortiga mast holatdagi er-xotin chiqqan. Erkak bortda o‘zini yomon tutgan, so‘kingan, yo‘lovchilarga havo kemasini portlatib yuborishi mumkinligini ma'lum qilgan, shuningdek, ekipaj kabinasiga kirmoqchi bo‘lgan.

«Nijniy Novgorodda istiqomat qiluvchi 29 yoshli fuqaro Moskva – Dubay aviareysida bort qoidalarini buzgan», — degan manba.

Ushbu voqea tufayli reys bekor qilingan, huquqbuzar esa transport politsiyasi xodimlari tomonidan qo‘lga olingan va navbatchilik qismiga tergov uchun olib ketilgan. 

Ko‘ngilsizlik bartaraf etilgach, samolyot manzilga yo‘l olgan.