Parijda ikki qatarlik qiz 5 mln dollarga tunab ketildi

Parij shimolida ikki qatarlik qizdan 5,3 mln dollardan ko‘proq qiymatdagi zebu-ziynat va shaxsiy buyumlar o‘g‘irlab ketildi, deb xabar bermoqda CNN telekanali. 

Shahar prokurorining bosh kotibi Flaven Fukening aytishicha, qizlar Burjye aeroportidan Sharl de Goll nomidagi aeroportga ketishayotganda niqobli ikki noma'lum kimsa ularning avtomobilini yo‘lini to‘sgan.

Ma'lum qilinishicha, jinoyatchilar qizlarni avtomobilni to‘xtatishga majbur qilib, avtomobil ichiga ko‘zni achishtiruvchi gaz sepib, qizlardagi barcha qimmatbaho buyumlarni o‘g‘irlab ketishgan.

Parijda yaqinda shunga o‘xshash o‘g‘irliklar sodir etilgandi. Bundan avvalroq tayvanlik tadbirkor ayol tunab ketilgan. Bu voqeadan bir kun avval esa amerikalik yulduz Kim Kardashyan o‘zi to‘xtagan mehmonxonada 5 nafar jinoyatchi tomondan tunab ketilgandi.