Qirg‘izistonda chegaraoldi hududida ov qilish taqiqlab qo‘yilmoqchi

Qirg‘izistonda chegaraoldi hududida ov qilish taqiqlab qo‘yilmoqchi. Bu to‘g‘ridagi qonun loyihasi Jogorku Keneshga (parlament) muhokamaga kiritildi.

Davlat chegara xizmati chegaraoldi polosasida hamda uning orqa tomonidan 500 metr uzoqlikda, chegaraoldi polosasi eni 50-100 metrni tashkil qiladigan hududlarda ov qilishni taqiqlashni taklif qilmoqda. 

Bu o‘zgartirish davlat chegarasi tartibiga rioya qilishni va qo‘shni davlatlar hududiga o‘qlarning uchib o‘tishiga yo‘l qo‘ymaslikni ta'minlaydi, deb aytilmoqda xabarda.