SpaceX Yer yuzasini tekshiruvchi yo‘ldoshni uchirish shartnomasini qo‘lga kiritdi

SpaceX kompaniyasi qiymati 112 million dollar bo‘lgan ummon suv yuzasi va topografiyasini zondlab tekshirish yo‘ldoshini (SWOT) uchirish uchun NASA shartnomasini qo‘lga kiritdi. Bu haqda ushbu tashkilot xabar bergan. 

Shartnomaga ko‘ra, parvoz 2021 yilning aprel oyida Kaliforniyadagi Vandenberg kosmodromidan Falcon 9 raketasida amalga oshiriladi.

Kompaniya vakillari ham shartnoma imzolanganini tasdiqlab, NASA ga «qo‘llab-quvvatlagani va ishonchi» uchun o‘z minnatdorchiligini izhor etdi.

SWOT yo‘ldoshi Yer suvi yuzasini zondlab tekshirish bo‘yicha ilk tadqiqotni o‘tkazish maqsadida yaratilmoqda. U ummonlarni yuqori kenglikda o‘lchab, sayyora suv havzalaridagi o‘zgarishlarni kuzatib boradi. Yaratuvchilarning ta'kidlashicha, uskuna uch haftalik muddatda kamida ikki marotaba suv yuzasi (jumladan – ko‘llar, daryolar, suv omborlari va ummonlar)ning 90 foizini tadqiq qilish imkoniga ega. Olingan ma'lumotlar nafaqat dunyodagi chuchuk suv darajasini monitoring qilish,  balki iqlim o‘zgarishlari bo‘yicha taxminlarni yaratishda ham ko‘mak beradi. 

NASA’ning xabar berishicha, uskuna tashkilot tomonidan Fransiya fazoviy agentligi bilan birgalikda ishlab chiqilmoqda. 
SpaceX xususiy kompaniyasi NASA bilan shartnoma asosida Xalqaro Fazo Stantsiyasiga Falcon 9 raketasida yuklarni yetkazib beradi. 

Eslatib o‘tamiz, so‘nggi yarim yil davomida kompaniyada ikkita omadsiz uchirish amalga oshirildi: 2015 yilning iyun oyida Falcon 9 XFSga yetkazib beriladigan yuk bilan parvozga chiqish paytida portlab ketgan bo‘lsa, joriy yil sentabrida raketa uchishdan avvalgi tajriba davomida yoqilg‘i quyish vaqtida portladi. Xabarlarga ko‘ra, dekabr o‘rtalarida SpaceX uning parvozlarini tiklashni rejalashtirmoqda.