Britaniya bosh vaziri: Brexit Buyuk Britaniyaning NATOdagi muhim roliga ta'sir qilmaydi

Buyuk Britaniya bosh vaziri Tereza Mey NATO bosh kotibi Yyens Stoltenberg bilan uchrashuv vaqtida Britaniya Brexit’dan keyin ham alyansda muhim rol o‘ynashni davom ettirishini aytdi. Bu haqda Buyuk Britaniya hukumati saytida ma'lum qilindi. 

"Stoltenberg Buyuk Britaniya tashkilotda a'zolik uchun zarur bo‘lgan YaIMning 2 foizi miqdorida mudofaa xarajatlari darajasini qo‘llab-quvvatlab va Sharqiy Yevropada joylashtirish uchun kuchlarni ajratib, blokda yetakchi rol o‘ynashini ma'qulladi", deyildi xabarda.

Bundan tashqari, Mey va Stoltenberg AQShdagi prezidentlik saylovlarini muhokama qilishdi va transatlantik xavfsizlikni mustahkamlash zarurligi fikrini bildirishdi.