Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Исландия ҳукумати Британия супермаркетлар тармоғини судга берди
09:33 / 25.11.2016
2457
Фото: Getty Images

Исландия ҳукумати Британиянинг Iceland Foods супермаркетлар тармоғини мамлакат номини товар белгиси сифатида ишлатгани туфайли судга берди. Бу ҳақда давлат ҳукумати хабарида айтилди.

“Исландия ҳукумати мамлакат корхоналари ва аҳолиси номидан Британиянинг Iceland Foods супермаркетлар тармоғини судга бергани ҳақида маълум қилади. Бу давлат компанияларининг “Исландия” сўзини ўз маҳсулот ва хизматларига нисбатан ишлатиш ҳуқуқини ҳимоя қилиш мақсадида амалга оширилди”, - дейилади баёнотда.

Сўнгги йилларда Исландия ҳукумати Iceland Foods билан савдо номини ўзгартириш бўйича бир неча бора музокара ўтказди. “Минг афсуски, бу ҳаракатлар ҳеч қандай натижа олиб келмади. Супермаркетлар тармоғи томонидан қўйилган талаблар бизга умуман тўғри келмайди. Энди ҳаммаси судда ҳал бўлади”, - хабар қилинган релизда.

Исландия ҳукумати Европа иттифоқининг интеллектуал мулк бўйича муассасаси ушбу товар белгисини бекор қилишига умид билдирмоқда.

 


Улашинг
Top