XOQ prezidenti Tokiodagi olimpiya o‘yinlari tarixdagi eng g‘aroyib bellashuvlar bo‘lishiga ishonch bildirdi

Xalqaro olimpiya qo‘mitasi (XOQ) rahbari Tomas Bax 2020 yili Tokioda bo‘lib o‘tadigan Olimpiada tarixdagi eng innovatsion tadbirga aylanishidan umidvor. Bu haqda prezidentning o‘zi XOQning Tokiodagi debrifingi ochilish marosimidagi videomurojaatida so‘z yuritdi.

“Bizning fikrimizcha, Tokioda tarixdagi eng innovatsion o‘yinlar o‘tkaziladi”, - ta'kidlab o‘tdi Bax.

“Tokio-2020” tashkiliy qo‘mitasi rahbari Yesiro Mori esa Yaponiya o‘yinlar omadli o‘tishi uchun barcha harakatni amalga oshirishini va'da berdi. “Sport kelajakni o‘zgartishi mumkin bo‘lgan o‘ziga xos kuchdir. Biz Olimpiada estafetasini munosib tarzda uzatish uchun barcha narsani qilamiz”, - ta'kidlab o‘tdi u.

Debrifingda ishtirok etgan Tokio gubernatori Yuriko Koike esa shahar hukumati Olimpiada 2020 ga tayyorgarlik doirasida 3R prinsipi – takroriy foydalanish, qisqartirish, qayta ishlashdan (Reuse, Reduce, Recycle) foydalanayotganligini ma'lum qildi.

Ma'lumot uchun, XOQ debrifingi davomida turli mamlakatlar vakillari tajriba almashib, Olimpiya tadbirlarini o‘tkazuvchi shaharlar kelajagi borasida so‘z yuritadilar.

XOQning umid qilishicha, Rio-2016 tajribasi keyingi yozgi va qishki O‘yinlarni qabul qiluvchi – Pxenchan, Tokio va Pekin kabi Osiyo shaharlariga jiddiy yordam beradi.