“Rostselmash” O‘zbekistonda ishlab chiqarishni yo‘lga qo‘yadi

Rossiyaning “Rostselmash” korxonasi O‘zbekistonda ishlab chiqarishni yo‘lga qo‘yishni rejalashtirmoqda. Rossiya kompaniyasi Matbuot xizmatining xabariga ko‘ra, “Rostselmash” va “Chirchiq qishloq xo‘jaligi texnikasi zavodi” AJ o‘zaro hamkorlik to‘g‘risida memorandum imzolagan. 

Mazkur hujjat doirasida tomonlar o‘zaro manfaatli va uzoq muddatli hamkorlikni yo‘lga qo‘yishni rejalashtirmoqda. Ana shu maqsadda, “Chirchiq qishloq xo‘jaligi texnikasi zavodi” aksiyadorlik jamiyati hududida “Rostselmash” korxonasining mahsulotlari yig‘iladi.

Ma'lumotlarga ko‘ra, “Chirchiq qishloq xo‘jaligi texnikasi zavodi” aksiyadorlik jamiyati Bosh direktori Asadulla Saydullayev Rostov-Don shahriga tashrif buyurib, “Rostselmash” korxonasining ishlab chiqarish quvvatlari va mahsulotlari bilan yaqindan tanishib kelgan.