Tramp Kuba bilan tuzilgan kelishuvlarni bekor qilish bilan tahdid qildi

AQSh prezidenti etib saylangan Donald Tramp agar Kuba hukumati yaxshiroq shartlarni taklif qilmasa, Barak Obama ma'muriyati vaqtida AQSh va Kuba o‘rtasida tuzilgan kelishuvlarni bekor qilish bilan tahdid qildi. Tramp bu haqda tvitterda yozdi.

"Agar Kuba kubaliklar, amerikalik kubaliklar va umuman AQSh uchun nafliroq bitimni tuzishni istamasa, men bu bitimga chek qo‘yaman", deb yozgan Tramp.

Avvalroq AQSh Kuba romi va sigarasining AQShga olib kirilishiga cheklovni bekor qilgandi. Ta'kidlanishicha, ikki davlat o‘rtasidagi munosabatlar Barak Obama va Kuba davlat kengashi raisi Raul Kastro 2014 yilda munosabatlarning tiklanishini e'lon qilishgandan keyin izga tushayotgani ma'lum qilingandi.

Tramp joriy yil mart oyida saylovoldi kampaniyasi davomida agar g‘olib bo‘lsa, Kuba bilan munosabatlarni normallashtirishni davom ettirishga va'da bergan.