Dunyodagi eng mashhur qahvaxonalar tarmog‘i bosh direktori o‘z lavozimini tark etadi

Dunyodagi eng katta qahvaxonalar tarmog‘i bo‘lgan Starbucks bosh direktori o‘z lavozimini tark etishi haqida ma'lum qildi. Bu haqda Assoshieyted Press xabar bergan.

Govard Shults Starbucks’da 30 yildan ortiq ishlagan bo‘lib, hech kim bilmagan kompaniyani dunyoga mashhur qahvaxona brendiga aylantira oldi. Shults 2017 yilning 3 aprel kunidan boshlab direktorlar kengashi raisi vazifasini bajaradi.

Ma'lumot uchun, Sietlda 1971 yilda asos solingan Starbucks jahonning 75 mamlakatida joylashgan 25 ming qahvaxona va do‘konlar tarmog‘ini boshqaradi.