Qirg‘iziston prezidenti noma'lum muddatga mehnat ta'tiliga chiqdi

Qirg‘iziston prezidenti Almazbek Atambayev 5 dekabr kuni mehnat ta'tiliga chiqdi. Bu haqda davlat rahbari ma'muriyati xabar bermoqda.

Shu bilan birga ma'muriyat prezident qancha muddat ta'tilda bo‘lishiga oydinlik kiritmagan, deb yozmoqda «Interfaks».

Atambayev 1 dekabr kuni bo‘lib o‘tgan matbuot anjumanida mamlakatni taraqqiy ettiruvchi yangi strategiya ustida ishlash uchun yaqin vaqt ichida ta'til olishini ma'lum qilgan edi.

Eslatib o‘tamiz, Qirg‘iziston rahbarining bundan oldingi ta'tili sentabr oyida, ko‘krak qismida paydo bo‘lgan og‘riq sabab bo‘lib o‘tgan edi.