Rossiya Islom qo‘mitasi rahbari Haydar Jamol hayotdan ko‘z yumdi

5 dekabrga o‘tar kechasi Rossiya Islom qo‘mitasi raisi va «Rossiyskoye islamskoye naslediye» Butunrossiya islomiy harakati hamraisi va oliy prezidiumi a'zosi Haydar Jamol hayot bilan vidolashgan. Bu haqda uning «VKontakte» ijtimoiy tarmog‘idagi guruhida ma'lum qilingan.

«Bugun tunda Yaratganning inoyati bilan Haydar Jamol o‘tkinchi dunyodagi hayotini yakunladi. Qudratli Alloh uning yaxshi amallarini qabul qilib, jannat bog‘lariga kiritsin. Faqat Uning O‘zigagina qaytamiz. Allohu akbar!» — deyiladi xabarda. 

Shu bilan birga, Haydar Jamolning vafoti sababiga oydinlik kiritilmagan.